I mori jetën gruas/ Dalin detajet e rënda nga ngjarja në Elbasan, autori është ish-efektiv policie (EMRI)

Dalin detajet tronditëse nga ngjarja e rëndë në Elbasan mesditën e sotme.

Mësohet se ish-polici  Koço Buzo 58 vjeç, ka vrarë me armë bashkëshorten e tij Liljana Buzo 54 vjeç, pranë Gjykatës së Elbasanit.

Dyshohet se e gjithë skena është shënuar pas seancës së divorcit, pasi çifti ishte në proces ndarjeje.

Burime nga vendngjarja kanë bërë me dije se gjithashtu i plagosur ka mbetur dhe një efektiv policie, i cili ka ndërhyrë për të shuar gjakrat, pasi kishte vënë re sherrin.

Por autori ka qëlluar dhe ndaj tij.

Ky i fundit u ka shpëtuar plumbave pasi është mbrojtur te makinat e parkuara.

Dyshohet se gjithashtu ka mbetur i plagosur dhe avokati i gruas në fjalë.

Më pas, ish-polici ka qëlluar me disa plumba ndaj gruas së tij, duke i marrë jetën.