LIGJET E BIZNESIT
Klodiana Lala ka komentuar vrasjen e Endri Mustafës duke thënë se ai është nxjerrë në pritë nga i mituri 15-vjeçari.
Vrasja është tipike mafioze se është nxjerrë në orët e vona të mbrëmjes nga një djalë i mitur, është dërguar në një zonë që nuk ishte e frekuentuar nga familjarët, është denoncuar më pas nga familjarët tha gazetarja në Open.
Klodiana Lala: Grupi kriminal ka përdorur si karrem një të mitur. Viktima qëndronte i fshehur dhe shkonte në banesë sa herë merrte siguri nga ata njerëz që kishte arritur të rekrutonte në polici pasi ishte shpallur në kërkim. Gjatë festës së Bajramit ka qenë në banesën e tij për të takuar fëmijët dhe personat që e kanë nxjerrë nga banesa e kanë pasur të qartë itinerarin. Mendohet se është dhunuar për disa orë dhe vrasja është tipike mafioze se është nxjerrë në orët e vona të mbrëmjes nga një djalë i mitur, është dërguar në një zonë që nuk ishte e frekuentuar nga familjarët, është denoncuar më pas nga familjarët.
Më pas, Endri Mustafa kërkon ndihmë tek policia që të gjejë të birin, dhe më pas është qëlluar me 6 plumba. Shkalla e dhunimit do përcaktohet nga ekspertët e mjekësisë ligjore, nuk kanë përcaktuar shkallën e dëmtimeve dhe vetëm ata përcaktojnë nëse viktimës i mungon dicka. Konfirmohet që është gjetur i dhunuar dhe është gjetur i vrarë për disa arsye. Nuk ka pasur njolla të shumta gjaku dhe është vënë në një vend për të mos lënë dyshime, është pikasur nga një peshkatar që po shkonte për të zënë peshk.
Është vrasje tipike mafioze edhe për faktin se është qëlluar me plumb në kokë, në gojë dhe të tjerë e kanë kapur në trup. Pra ekzekutorët nuk donin ta linin të gjallë. Policia ka shpallur në kërkim Ibrahim Licin, por nuk dha asnjë detaj që e lidh me këtë ngjarje dhe pse e them këtë, jo për ta mbrojtur por për ta thënë se në ngjarje të mëparshme është shpallur në kërkim dhe më pas akuza ndaj tij u shfry dhe doli në lirim të plotë.
Edhe pse policia thotë se ka prova të forta, nuk thotë se ka armën e krimit apo dëshminë e 15 vjeçarit. Çelësi është ky djali i vogël që është përdorur për interesa të ndryshme për të nxjerrë një person me rekorde. Kjo është në vazhdën e shumë ngjarjeve të tjera dhe mund të ketë nisur një pistë e re dhe në këtë sens duhet të jetë e kujdesshme policia. Me shqetësim kam parë faktin se duke qenë kaq e paqartë policia, i jep mundësi familjarëve që bashkëshortja e viktimës, në vend që të qajë del dhe jep deklarata për shtyp që nuk është ky dhe ai grup që ka vrarë burrin tim.
