Goditi betonin dhe ra në lumë/ Shikoni si është bërë Audi pas aksidentit, 28 vjeçarja në gjendje të rëndë (VIDEO)

Ditën e sotme një aksident i rëndë u shënua në aksin Berat Skrapar.

Konkretisht, përplasja ndodhi në urën e Vërtopit.

Ndërkohë një vajzë 28 vjeçare e identifikuar si Anxhela Ibra është në gjendje të rëndë për jetën.

Mjeti Audi që ajo drejtonte u përplas fillimisht me bordurën e urës dhe më pas përfundoi në lumë.

Ajo udhëtonte së bashku me një person tjetër, i cili mësohet se nuk ndodhet në rrezik për jetën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sipas një dëshmitari  në vendngjarje, e reja shofere është munduar të frenojë por nuk ka arritur.

Si rezultat ajo është përplasur me betonin e urës dhe më pas ka rënë poshtë në lumë.

“Përplasja ka qenë në pjesën metalike dhe me beton të urës. Dëmtime me të mëdha kane qenë nga ana e shoferit. Sipas dëshmitarit në ngjarje, mjeti ka tentuat të frenojë por nuk ka mundur. Shpejtësia duhet të ketë qenë shumë e madhe. Pasi ka goditur betonin, makina ka përfunduar në lumë. Policia po punon për zbardhjen e aksidentit”, raportoi gazetarja nga terreni.