Gjykata e la në qeli për grabitjen e argjendarisë, por ja çfarë denoncoi në polici familja e 17 vjeçarit

Seanca gjyqësore për Martin Kapllanajn, djalin minoren i cili grabiti argjendarinë pak ditë më parë, është zhvilluar në Gjykatën e Shkallës së Parë Vlorë.

Në fund vendimi që u mor për 17-vjeçarin ishte “arrest me burg”.

Kapllanaj është gjykuar nga gjyqtarja Vjola Canaj, e cila merret me çështjet e minorenëve. Seanca gjyqësore është zhvilluar me dyer të mbyllura.

Sipas burimeve, në fillim të muajit prill familjarët kanë bërë denoncimin në polici, pasi djali ka qenë i pleksur në shoqëri të keqe. Ata dyshonin se Martini 17-vjeçar ishte pjesë e një grupi grabitësish kryesisht adoleshentë që drejtohen nga të tjerët.

Sipas burimeve në policinë e Vlorës, familjarët e Kapllanajt pak ditë para ngjarjes kanë bërë denoncim në polici pasi i mituri ishte prej ditësh i larguar nga shtëpia. Mësohet se djali 17-vjeç jetonte me shokët e tij në banesë në Vlorë ditë para ngjarjes.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Shkaku i cili e ka çuar drejtë krimit ka qenë shoqëria e keqe. Sipas burimeve mund të jenë dhe të rinj të tjerë pjesë e një grupi me Kapllanaj të cilët veprojnë me grabitje në qytet. Kapllanaj ka marrë arrest me burg këtë të diel për nenin 140, vjedhje me armë.