“Erdhi dhe e qëlloi ngjitur” I ekzekutuan burrin në sy, zbardhet dëshmia rrëqethëse e Silvana Çakës

Elbasani është tronditur mbrëmë nga një tjetër vrasje, ku si pasojë e plumbave mbeti i pajetë 40-vjeçari Everest Çaka.

Ndërkohë bashkëshortja e viktimës, Silvana Çaka e cila ka parë gjithë skenën e ngjarjes, ka dhënë dhe dëshminë para hetuesve.

Ajo ishte në makinë me të shoqin kur ndodhi atentati.

Silvana u shpreh se fillimisht kanë menduar se janë përfshirë në aksident dhe më vonë e kuptoi se e gjitha ishte një rreng nga ana e vrasësve.

“Menduam se u përfshimë në aksident. Pasi na goditi një makinë nga pas, ndaluam. Menjëherë bashkëshortin e qëlluan me breshëri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Vrasësi erdhi dhe qëlloi ngjitur me xhamin e hapur nga ana e shoferit. E bënë shoshë nga plumbat nga qafa dhe në gjoks. Një plumb më goditi në krah.

Dola menjëherë dhe thirra për ndihmë. E kuptova që goditja nga pas e makinës ishte rrengu i mirëmenduar i vrasësve që na kishin zënë pritë”, deklaroi bashkëshortja e viktimës, Silvana Çeka.