Ekzekutimi i biznesmenit grek, dalin në dritë detaje të reja: Ja lidhja me trafikantët shqiptarë të armëve

Ditën e sotme në ishullin Zakynthos u ekzekutua biznesmeni i njohur grek, Dionysis Korfiatis.

Në kohën që u qëllua për vdekje me 20 plumba, biznesmeni ndodhej në një zyrë kontabiliteti, mirëpo autorët nuk i ka stepur asgjë duke e ekzekutuar atë në mes të ditës. Mediat greke shkruajnë se kanë zbuluar aktivitetet e shumta të biznesmenit, por edhe një lidhje me shqiptarët.

Sipas “Protothema” biznesmeni 54-vjeçar para disa vitesh u dënua me 4 vite burg nga Gjykata e Apelit në Patra, pasi armët dhe materiale të tjera të paligjshme në lidhje me aktivitetet e disa shqiptarëve të akuzuar për grabitje në ishullin e Zakynthos u gjetën në shtëpinë e tij.

Pak kohë më parë, biznesmenit iu vra gruaja në një pritë, ku vetë 54-vjeçari shpëtoi duke u larguar me shpejtësi.

Në lidhje me ngjarjen e rëndë, ditën e sotme ka folur xhaxhai i grekut, që ishte i pranishëm në zyrën e kontabilitetit në momentin kur e qëlluan.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Vrasësit ishin me një makinë “Fiat Panda”. Ata ndaluan, hynë brenda në zyrë, e vranë atë dhe u larguan. Kjo ishte e gjitha”  tha xhaxhai.