Ekzekutimi i 41-vjeçarit në Elbasan, gjendet një automjet i djegur në Kavajë

Pas vrasjes së Everest Çakës është gjendur një automjet i djegur në fshatin Kryemëllenj të Kavajës.

Dyshohet se mjeti tip “Benz” është përdorur nga autorët e krimit dhe më pas, pasi janë larguar nga vendi i ngjarjes e kanë braktisur duke i vënë edhe flakët.

41-vjeçari Everest Çaka dyshohet se është vrarë me armë me silenciator dhe se numri i vrasësve ka qenë 2 persona, të cilët ende nuk janë identifikuar nga strukturat e Policisë së Shtetit.