“E sfiliti për disa javë derisa i mori jetën”/ Gjyqtari i njohur ndërron jetë nga virusi, miku bën reagimin prekës

Kastriot Dervishi në një postim në facebook njofton se miku i tij, gjyqtari Durim Kadiu ka ndërruar jetë pas disa javësh betejë me Covid-19.

“Nuk do kemi më midis nesh njeriun fisnik, gjyqtarin dhe familjarin shembullor’, shkruan ai.

Postimi i plotë i Kastriot Dervishit:

Për njeriun e mirë Durim Kadiu

E pabesueshme! Miku im i mirë, Durim Kadiu nuk jeton më. Sëmundja e mallkuar covid 19, e cila e sfiliti për disa javë, i mori jetën. Nuk do kemi më midis nesh njeriun fisnik, gjyqtarin dhe familjarin shembullor. Njeri i ligjit nga viti 1994, gjyqtar, kryetar i Gjykatës së Kavajës, drejtor i kabinetit të kryetarit të Gjykatës Kushtetuese dhe ndihmësgjyqtar i Gjykatës së Lartë, Durimi la kudo emrin e një njeriu të mirë dhe profesionisti të përkushtuar. Ngushëllime për nënën e tij, bashkëshorten dhe vajzat. Shpirti i tij pushoftë në paqe në amshim!

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern