“E kam parë me sytë e mi”/ Grida Duma e përsërit: Bashës i kanë ardhur oferta nga bandat për të marrë pushtetin!

Edhe njëherë tjetër, deputetja e PD Grida Duma ka treguar se kryedemokrati Lulzim Basha ka pasur oferta nga grupe kriminale në këmbim të pushtetit.

Duma tha se Basha ka vendosur Shqipërinë para pushtetit duke refuzuar këto oferta dhe se sipas saj.

“E kam parë në vitin 2013, kur kisha vetëm një vit e pak që isha bërë pjesë e kabinetit të zotit Berisha. E kam parë me sytë e mi atmosferën, se çfarë do të thotë kur një burri shteti i vjen oferta për të marrë peng biznesin, administratën për të përfshirë krimin, por që e refuzoi.

Edhe sot, Basha e ka pasur këtë mundësi. Të vijë në pushtet përmes bandave, ka pasur oferta. Nëse ka një pikë pozitive që duhet që Partia Demokratike të jetë krenare, është që ka një kryetar që nuk bashkëpunon me bandat për të ardhur në pushtet. Nuk ka pasur pamundësi Lulzim Basha për të ardhur me pahir? Ka pasur, e ka refuzuar. E shikoj si një provë forcë për të mos sakrifikuar Shqipërinë për pushtetin,”– tha Duma e ftuar në “Çim Peka Live”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern