E ekzekutuan në Greqi, zbulohet “CV kri minale” e shqiptarit, 12 vr asje dhe 10 pla gosje

Aris Papas 34-vjeçari me origjinë shqiptare, u ekzekutua pasditen e sotme në qendër të Athinës. Autori ende i pa identifikuar, iu afrua shqiptarit duke e qëlluar plot tetë herë.

Goditjet rezultuan fatale për 34-vjeçarin i cili ndërroi jetë, teksa autori u zhduk nga vendi i ngjarjes me shpejtësi. Më herët, ai u kishte shpëtuar tre atentateve në Greqi dhe lëvizte me anti-plumb duke iu trembur hakmarrjes së mundshme për larje hesapesh.

Atentati i fundit i cili u krye ndaj tij ndodhi në 26 shkurt të këtij viti nga dy persona që u arratisën me taksi.

Por cila është “CV”-ja e tij kriminale që solli eliminimin fizik?

Sipas mediave greke, Papas ishte anëtari kryesor i një bande mafioze shqiptare, që në dy vitet 2007-2008 dyshohet se ishte përfshirë në 12 vrasje dhe 10 plagosje.

“32-vjeçari nga Shqipëria, i cili u ekzekutua sot në Athinë ka qenë akuzuar për përfshirje në një organizatë kriminale, grabitje dhe trafik droge.

Më 20 korrik 2007, individë të panjohur ishin përpjekur ta vrisnin në qendër të Athinës, ndërsa më 26 maj 2019, ai u qëllua në stacionin e Larissas duke u plagosur rëndë. Atentati i fundit iu bë në shkurt të këtij viti” theksohet në artikull.