E dini se keni bërë dy maratona në vit? E gjitha falë rrjeteve sociale, ja si

Mos u habisini, por gishti i madh i një njeriu bën mesatarisht 84 km në vit, plot dy maratona, vetëm duke bërë “scroll” në celular.

Sipas një vëzhgimi të agjencisë së marketingut IIk ne kalojmë mesatarisht 49 minuta në ditë në rrjete sociale (Facebook dhe Instagram).

“Të gjithë e dimë që kalojmë shumë kohë me celular në dorë. Por, distanca që bën gishti ynë i madh përgjatë një viti është e jashtëzakonshme. Donim të tregonim se sa rol të madh luajnë rrjetet sociale në jetët tona. Mendoni pak se sa zgjat një maratonë dhe se sa lodhen atletët në përfundim të 42 kilometrave të saj. Gishti i madh bën dy maratona”, tha Rob Jones, kreu i marrëdhënieve me publikun i Ilk.