Doli në emision me dorë të fashuar, Eni Vasili tregon për herë të parë problemin shëndetësor (FOTO)

Moderatorja e njohur Eni Vasili është në muajt e fundit të shtatzanisë, në pritje të dy binjakeve të saj vajza.

Por në dy puntatat e fundit të emisionit ajo është shfaqur me dorë të fashuar.

Menjëherë pas kësaj kurioziteti i të gjithëve ishte të mësonin atë që i kishte ndodhur moderatores.

Ndërkohë sqarimin e ka dhënë ajo vetë.

Para se të niste programin “Open” mbrëmjen e djeshme, Eni u shfaq në dhomën e grimit duke falenderuar publikun për interesimin dhe u shpreh: “Nuk jam rrëzuar dhe nuk kam probleme të ngjashme. Kam një problem që shumë gra shtatzëna me siguri e kanë provuar dhe quhet sindroma e tunelit garpal, që ka lidhje me kyçin e dorës dhe nervat e tij që në një moment gjatë shtatzënisë krijojnë hematomat dhe inflamohen duke ma bërë të vështirë të kryej veprime bazike. Por jam mirë”.