“Do ndaj me ju një sekret” Mori mandatin e tretë, Rama zbulon se kush nuk e uroi për fitoren e zgjedhjeve

Kryeministri Edi Rama ndodhej sot i pranishëm në Akademinë e Shkencave.

Në këtë institucion janë pranuar së fundmi 17 anëtarë të rinj të jashtëm.

Në fjalën e tij, kreu i qeverisë është shprehur se Akademia e Shkencave po kthehet në një institucion të pavarur.

Ai gjithashtu nuk ka ngurruar që të thumbojë dhe kreun Skënder Gjinushi, i cili dikur ka qenë kryetar i Partisë Socialdemokrate si dhe aleat i PS.

“Skënder Gjinushi nuk më ka uruar fitoren e zgjedhjeve. Ai ka menduar edhe për ata anëtarë të Akademisë që kanë janë të pakënaqur se kam fituar zgjedhjet. Ai është bërë me pakicën. Kur u arrit edhe depolitizimi i Skënder Gjinushit, e ardhmja e Akademisë është e sigurt”, deklaroi Rama.

Ky reagim është shoqëruar me reagimin e Gjinushit, i cili ka buzëqeshur ndaj kësaj ironie të lëshuar në adresë të tij.

“I siguroj ato që ndryshe nga Skënderi nuk kanë dashur që të fitoj zgjedhjet, kjo qeveri në katër vitet e ardhshme do të ketë Akademinë më pranë se në gjithë historinë e pluralizmit”, theksoi Rama.