“Do jesh gjithmonë me ne” U vra nga shoku, miqtë e tjerë të Mehmet Qemës shkojnë në vendin ku ndërroi jetë

Një nga ngjarjet më të rënda që tronditi vendin tonë ishte dhe vrasja e Mehmet Qemës më 11 maj, i cili u qëllua me armë nga miku i tij Marjus Dema.

E gjithë skena ndodhi në lagjen “5 maji” të Tiranës.

I riu Qema, i cili mbante dhe pseudonimin “Tallman”, ishte i njohur me personazhe VIP dhe më parë kishte marrë pjesë dhe në videoklipe të ndryshme.

Ndërkohë mbrëmjen e djeshme, shokët e tjerë të viktimës janë kthyer në vendin ku u shënua ngjarja e rëndë.

Me lule në duar, dhe qirinj të ndezur, reperi Marin, Erlin Peka, Blerim Hoti, (dy të fundit ishin të pranishëm në ngjarjen ), u mblodhën zonën ku u vra 27 vjeçari.

Foton ku shihen të gjithë sëbashku në vendin ku ndodhi ngjarja e ka shpërndarë në rrjetet sociale reperi Marin, i cili teksa poston foton shkruan “ti do jesh gjithmonë me ne”.

Kujtojmë se autori i ngjarjes është Marjus Dema, i cili para togave të zeza është shprehur se gjithçka ndodhi nga pakujdesia dhe se nuk e dinte se arma kishte plumb brenda.

Ndërsa Frenkli Myftari, 29 vjeç, Erlind Peka, 27 vjeç, Bralid Aga, 28 vjeç, Blerim Hoti, 23 vjeç dhe Xhuljano Koçi, 19 vjeç, të gjithë miqtë të viktimës dhe autorit dhe ishin në një tavolinë gjatë kohës që ndodhi vrasja.