Deklarata e fortë e Bujar Nishanit: Basha e dinte se Berisha do të shpallej “non grata”

Kreu i Këshillit Kombëtar të PD-së, Bujar Nishani, tha në ‘Frontline’ në News 24 se kreu i PD Lulzim Basha e ka ditur që Sali Berisha do të shpallej “non grata”.

Ai thotë se kjo është pikërisht arsyeja që Basha e ka afruar datën e zgjedhjeve brenda PD-së për shkak se ka patur dijeni mbi Berishën

“Lulzim Basha e dinte se Berisha do të shpallej “non grata”. Kjo çështje ka krijuar një lloj shoku politik brenda PD-së, sepse Berisha është themeluesi dhe lideri historik. Jam i bindur që Basha ka afruar datën e zgjedhjeve sepse ka patur dijeni për shpalljen “non grata” të Berishës”, tha Nishani.