Dalin pamjet/ I maskuar dhe me çantën me lekë, grabitësi fiksohet nga kamerat në Tiranë (VIDEO)

Dalin pamjet nga grabitja që ndodhi sot në mëngjes në Tiranë, ku njëri nga autorët largohet me çantën  plot me para.

Ai ishte i maskuar dhe kamerat e bizneseve e kanë kapur duke u arratisur me shpejtësi në rrugicat e kryeqytetit.

Policia bën me dije se grabitja u shënua rreth orës 09:05 në rrugën e “Kavajës” në kryqëzimin me rrugën “Mihal Duri”, ku 2 persona ende të paidentifikuar goditën me sende të forta dhe më pas i morën një shumë parash Qani Zilit, 55 vjeç, i cili po transportonte me motor vlera monetare të një pike valute.

Autorët kishin informacion për lëvizjet 55-vjeçarit duke e sulmuar dhe grabitur. Gjithçka ka ndodhur brenda pak sekondave. Grabitësit në largim e sipër braktisën motorin me të cilin po lëviznin dhe u larguan me këmbë nëpër rrugica duke humbur gjurmët.

Provat e mundshme të lëna në motorrin e braktisur dhe pamjet filmike mund të bëjnë që grupi hetimor të bjerë në gjurmënt e grabitësve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern