Ç’po ndodh në Portin e Durrësit? Zbarkojnë trupat dhe mjetet amerikane, vjen lajmi: Gjithçka gati (VIDEO)

Më datë 4 maj në Shqipëri do të nisë zyrtarisht stërvitja “Defender Europë 21”.

Ky aktivitet do të zgjasë deri në 9 qershor.

Vendi ynë është një nga 12 shtetet pritëse të stërvitjes amerikane më të madhe.

Të tjera mjete kanë zbarkuar ditën e sotme në Portin e Durrësit, për t’iu bashkuar mjeteve të rënda që kanë mbërritur më parë në Shqipëri.

Lajmin e ka dhënë ministri i Mbrojtjes Niko Peleshi, i cili shkruan se gjithçka është gati për çeljen e stërvitjes së përbashkët më të madhe të zhvilluar në Shqipëri nga uhshtria amerikane.

“Nga porti i Durrësit ku vazhdon me ritëm zbarkimi i trupave dhe mjeteve amerikane. Gjithcka gati për të celur stërvitjen e përbashkët më të madhe, të zhvilluar në Shqipëri, nga ushtria amerikane dhe forcat tona të armatosura në kuader te NATO, Defender Europe 21”, shkruan Peleshi.