Çfarë ndodhi në Tiranë? Banorët dëgjojnë një shpërthim të fuqishëm, gazetarja: Mendova se ishte tërmet

Pak momente më parë një shpërthim i fuqishëm është ndjerë në Tiranë, në zonën e rrugës së Elbasanit.

Lajmin e ka dhënë gazetarja e huaj që jeton në vendin tonë, Alice Taylor.

Me anë të një reagimi në rrjetet sociale, ajo shkruan se ndodhet në rrugën e Elbasanit dhe të gjitha dyert dhe dritaret u drodhën.

Ajo shprehet se për një sekondë iu duk si tërmet pasi më pas pati lëkundje.

Gazetarja Alice Tayler: Jam edhe në rrugën e Elbasanit, shumë zhurmë dhe të gjitha dritaret dhe dyert u drodhën. Mendoi se ishte një tërmet për një sekondë, por ishte shumë i shpejtë. Goditje dhe pastaj lëkundje menjëherë pas.

Në komentet e statusit të gazetares, një qytetar shprehet i shqetësuar dhe thekson se e ndjeu shpërthim afër QSUT-së duke u dridhur.

Komenti i qytetarit: Jam afër QSUT-së dhe e dëgjova atë duke u dridhur

Ndërkohë Policia e Shtetit ka dal në terren, pas telefonatave të shumta të ardhura në adresë të saj nga qytetarë të shqetësuar. Por për momentin nuk ka asnjë informacion ose të dhënë se çfarë mund të ketë ndodhur.

Burime nga policia bëjnë me dije se uniformat blu janë angazhuar në terren si dhe në rrugë të tjera  operative për të zbuluar origjinën e këtij shpërthimi. Deri tani nuk raportohet për një adresë të saktë, shkak apo pasojë. Ndërkohë nuk ka asnjë njoftim zyrtar që lajmëron për ndonjë aktivitet apo operacion në kryeqytet.

Policia e Tiranës thotë se të gjitha shërbimet jaën në terren por nuk kanë informacion për ndonjë ngjarje. Qytetarë të shumtë kanë nxituar të telefonojnë në polici por as vetë këta të fundit nuk kanë informacion.

Në zona të ndryshme si “Rruga e Elbasanit”, Komuna e Parisit dhe te Spitalet ka raportime nga qytetarët se është dëgjuar një zhurmë e fuqishme por që ka zgjatur pak.