Caktohet data dhe ora/ Ja kur do të votojë Kuvendi raportin për shkarkimin e presidentit Meta

Konferenca e Kryetarëve e cila drejtohet nga Gramoz Ruçi, ka caktuar sot datën se kur do të votohet në Kuvend raporti për shkarkimin e presidentit Ilir Meta.

Kështu, mësohet se seanca do të zhvillohet të mërkurën më 9 qershor, ora 10:00.

Kujtojmë se pas disa javësh mbledhje provash e faktesh, Komisioni Hetimor Parlamentar i ngritur nga socialistët miratoi raportin për shkarkimin e Metës.

Sipas këtij komisioni, Presidenti Ilir Meta ka shkelur Kushtetutën para dhe gjatë fushatës zgjedhore të 25 prillit.

Për disa javë, Komisioni Hetimor mblodhi fakte, që sipas tij, vërtetonin shkeljet e Presidentit, dhe që ishin kryesisht deklarata të bëra nga ky i fundit në media apo në rrjetet sociale.