LIGJET E BIZNESIT
Gazetari Elton Qyno tregoi në “Open”, detaje nga vrasja e Bledar Birçës, që u ekzekutua nga tre atentatorë, dje në Vlorë, ndërsa në makinë me të ndodheshin dhe dy persona të tjerë, që i shpëtuan breshërisë së plumbave.
Qyno tha se faktet që vërtetojnë se ky atentat ishte i menduar në çdo detaj: “Makina e parë duket sikur ndalon pak dhe më pas lëviz. Sapo makina e parë është shfaqur në kryqëzim, ata kanë dalë në mënyrë precize. Aty ka një valëzim në rrugë, polic i shtrirë, dhe atentatorët ishin të sigurt që ai do të ulte shpejtësinë. Viktimën e kanë kapur 2 plumba nga rreth 20 që janë qëlluar. Autori ka lënë automatikun në tokë, bëhet gati të nxjerrë pistoletën dhe më pas tërhiqet prapë. Makina BMW, ngaqë ka koskotën e lartë, e ka ndihmuar pasagjerin të ulet dhe kështu të mos e kapë asnjë plumb. Pasi ka dalë nga makina, ai është përpjekur të nxjerrë pistoletën, por e ka pasur të pamundur përballë 2 automatikëve”, shpjegon eksperti.
Ai shton se misteri i këtij ekzekutimi mafioz, është zhdukja e të gjitha provave. “Çuditërisht, ajo që e bën më mister, është që nuk kemi as makinën e djegur, ku ka qarkulluar kjo makinë. Janë kontrolluar mbi 30 servise, varreza makinash, nuk ka as informacione se ku mund të jetë hedhur apo djegur makina, me të cilën udhëtonin atentatorët”, thekson Qyno.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
