LIGJET E BIZNESIT
Ditën e sotme janë shembur disa ndërtesa në Durrës.
Banorët kanë protestuar duke thënë se nuk janë njoftuar për një aksion të tillë.
Ata shtuan se u befasuan pasi edhe në zgjedhjet e 25 prillit votuan për Partinë Socialiste.
Godinat e shembura, banesa dhe biznese ndodhen në zonën e ish-Kënetës.
Prej disa vitesh aty ka nisur një investim për projektin që ka si qëllim ndërtimin e një rruge.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pronarët janë shprehur për mediat se kanë mësuar që pronat e tyre do shembeshin vetëm këtë të Martë, ditën kur edhe fadromat kanë nisur punën për shembjen e objekteve. Ata janë ngritur në protestë duke kundërshtuar shembjen e bizneseve dhe banesave.
Gjithashtu pronarët deklarojnë lidhur me këtë projekt se nuk kanë marrë asnjë njoftim zyrtar dhe nuk dinë si do të zhvillohet ndërtimi i rrugës dhe se në këtë mënyrë nuk dihet fati i objekteve të tyre.
Ata thanë po ashtu për gazetarët se ishin votues të Partisë Socialiste dhe nuk e prisnin shembjen e pronave të tyre.
