Abuzimi në grup me të miturën/ Zbulohen detajet tronditëse: Ja çfarë gjeti e ëma e 15-vjeçares

Dalin detajet tronditëse nga ngjarja e rëndë në një fshat të Rrëshenit, ku një vajzë 15-vjeçare u shantazhua dhe abuzua seksualisht nga 5 persona.

E mitura e cila ndjek klasën e 9-të, dyshohet se ka patur marrëdhënie me njërin prej 5 personave të arrestuar, dhe më pas të gjithë ata e kanë shantazhuar dhe detyruar që tu bindet, duke e kërcënuar me një video që kishin.

Sipas informacioneve familja e së miturës ndodhet në kushte shumë të vështira ekonomike.

Mësohet se mamaja i ka gjetur të miturës një telefon që nuk ishte blerë prej tyre, dhe në këtë moment kanë lindur dyshimet. Më pas së bashku me familjarët e mitura ka bërë denoncim në komisariatin e Policisë së Lezhës, për 5 personat e dyshuar të cilët u arrestuan nga Policia.

Personat e arrestuar për ngjarjen janë: Artan Kaçorri, Albert Molla, Ermal Tarazhi, Nikë Lleshi dhe A.Gj, shtetasi 17 vjeçar. Nuk dihet ende nëse ata janë të përfshirë të gjithë në akuzimin me të miturën, apo do të përballen me akuzën e shtantazhit dhe presionit që kanë bërë ndaj saj.

Në shkollën ku e mitura mësonte askush nuk pranon që të flasë, ndërsa shprehen se abuzimi nuk ka ndodhur në ambientet e institucionit, dhe në orët në vijim do të jetë drejtoria rajonale arsimore që do të japë një qëndrim për këtë ngjarje të rëndë.

Mësohet se e mitura dhe familja e saj ndodhen në një gjendje të rënduar psikologjike, dhe po marrin ndihmë psikologjike.