26-vjeçarja qëllohet për vde kje nga dy meshkuj që kërkonin të martoheshin për të

Një britanike me origjinë pakistaneze, ka mbetur e vrarë nga dy burra të cilët kërkonin të martoheshin me të. Sipas mediave të huaja, 26-vjeçarja Maira Zulfiqar, është qëlluar me armë dhe është mbytur nga dy persona, të cilët hynë fshehurazi në apartamentin ku ajo jetonte.

Studentja e drejtësisë kishte shkuar në Pakistan para dy muajsh nga Britania, për të punuar në degën vendase të një kompanie ligjore. Mësohet se ajo qëndronte në një apartament me qira, ku dhe u gjet pa shenja jete.

Autopsia e bërë nga mjekët, doli në konklzionin që vajza ishte mbytur dhe qëlluar me armë, ndërsa në trup kishte shenja të shumta prerje. Në dokumentet ligjore të depozituara nga xhaxhai i të ndjerës thuhet se dy meshkujt ishin të njohur të vajzës dhe po tentonin që ta bindnin të pranonte martesën me njërin prej tyre, mirëpo  ajo i kishte refuzuar të dy.

Në dokumente thuhet po ashtu se vajza kishte vizituar shtëpinë e xhaxhait disa ditë para tragjedisë dhe ishte ankuar se dy meshkujt e përndiqnin dhe e kërcënonin herë pas here. Një zyrtar i policisë së Lahore deklaroi se gruaja kishte një plagë plumbi në shpatull, mirëpo shkaku i vërtetë i vdekjes nuk është përcaktuar ende nëse ishte nga plumbi apo mbytja në fyt.

Policia po punon për kapjen dhe arrestimin e të dyshuarve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern