LIGJET E BIZNESIT
Të tjera detaje dalin në dritë në lidhje me vrasjen e 20-vjeçares në Greqi disa javë më parë.
Mediat shkruajnë se policia ka mundur të sigurojë një skicë me fytyrën e grabitësit që vrau Caroline Crouch në banesën e saj, para syve të bashkëshortit dhe foshnjës.
Kjo ngjarje sipas autoriteteve ka marrë një kthesë krejt të papritur pasi në listën e të dyshuarëve është përfshirë edhe bashkëshorti i Crouch, Babis Anagnostopoulos.
Stavros Balaskas, një nga zyrtarët e grupit hetimor, në një pronocim për mediat ka treguar se janë ngritur dyshime se si autorët mundën që të lëvizin të sigurt dhe këto informacione mund të merren vetëm nëpërmjet një personi që e njeh mjaft mirë familjen.
Po ashtu, ai zbuloi se 20-vjeçarja kishte siguruar jetën e saj për 1.000.000 euro. Një fakt i tillë ka nxitur akoma më shumë dyshimet e autoriteteve mbi bashkëshortin e saj. Ky skenar i policisë greke ka “nervozuar” 32-vjeçarin.
Vrasja e Caroline para burrit dhe fëmijës së saj në shtëpinë e Glyka Nera është një krim i rrallë pasi nuk ka asnjë gjurmë të autorëve në shtëpi.
Autoritetet janë duke u përqendruar në zgjidhjen e disa pyetjeve serioze që kërkojnë një përgjigje dhe do të jenë thelbësore për zgjidhjen e misterit.
