“Zgjedhjet nuk kanë përfunduar” Meta del në konferencë urgjente, ka një thirrje: Mos u çorientoni

Presidenti Ilir Meta ka dalë në një konferencë urgjente për shtyp.

Gjatë komunikimit ai i ka kërkuar ndjesë të gjithë personave që kanë marrë mesazhe fyese në emër të tij.

Sipas Kreut të Shtetit, ky veprim është bërë nga një grup i strukturuar kriminal.

Duke e cilësuar këtë një skandal, Meta tha se shumë shpejt do të nisë procedurat për hetim vendas e ndërkombëtar.

“Së pari, dua ti kërkoj ndjesë të gjithë qytetarëve, të cilëve një grup i strukturuar kriminal u ka dërguar mesazhe fyese, gjoja në emër të Presidentit të Republikës, kryesisht gjatë ditës së djeshme, por ndoshta dhe më parë, ndoshta dhe në vazhdim, të cilët janë konfirmuar nga disa personalitete publike, por edhe nga të njohur të Presidentit. Lidhur me këtë skandal, ku një grup kriminal keqpërdor të dhënat personale të presidentit, sot i kam dërguar kompanisë vodafon një kërkesë teknike dhe presim përgjigjen e saj. Shumë shpejt do të nisim procedurat ligjore të hetimit vendas e ndërkombëtar”, tha Meta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Duke folur për zgjedhjet e 25 prillit, Meta theksoi se zgjedhjet kanë përfunduar, por procesi i ankimimit nuk ka nisur akoma.

“Mos u çorientoni, zgjedhjet nuk kanë përfunduar, dita e votimeve po, administrimi vazhdon, rezultati vazhdon dhe i ka të gjitha mundësitë të jetë një rezultat vetëm paraprak, për arsye sepse procesi i numërimit nuk ka përfunduar ende, por ajo që është më e rëndësishme është se procesi i ankimimit nuk ka nisur akoma”, u shpreh ai.