LIGJET E BIZNESIT
Ambasadorja e Shteteve të Bashkuara në Tiranë, Yuri Kim, ka zhvilluar një takim me një grup përfaqësuesish të shoqërisë civile, me të cilët ka diskutuar në lidhje mbi zgjedhjet parlamentare të 25 prillit.
Gjatë takimit që bëri në Vlorë, ambasadorja Kim i bëri thirrje shoqërisë civile që të nxisë të gjithë qytetarët të votojnë, duke informuar votuesit për të drejtat dhe përgjegjësitë e tyre, si dhe duke kontribuar për një shoqëri më të drejtë dhe demokraci më të fortë në Shqipëri.
“Gjatë vizitës së saj sot në Vlorë, Ambasadorja Kim u takua me një grup përfaqësuesish të shoqërisë civile për të dëgjuar pikëpamjet e tyre mbi zgjedhjet e ardhshme. Grupi diskutoi mbi integritetin e kandidatëve, edukimin e votuesve, çështjet e barazisë gjinore dhe rëndësinë e monitorimit të zgjedhjeve. Ambasadorja theksoi rolin që shoqëria civile duhet të luajë në zgjedhjet e ardhshme duke nxitur të gjithë qytetarët të votojnë – veçanërisht të rinjtë, duke informuar votuesit për të drejtat dhe përgjegjësitë e tyre, si edhe duke kontribuar për një shoqëri më të drejtë dhe demokraci më të fortë në Shqipëri”, thuhet në mesazhin e ambasadës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
