LIGJET E BIZNESIT
Një transplant shumë i rrallë është kryer në Maqedoninë e Veriut duke i shpëtuar jetën një të riu 22-vjeçar.
Ministri i Shëndetësisë atje Venko Filipçe në një postim në rrjete sociale, ka njoftuar se punonjësit shëndetësorë për të dytën herë në historinë e Maqedonisë së Veriut kanë kryer transplantimin e zemrës.
Bëhet fjalë për një djalë, të cilit i është transplantuar zemra e një vajze e cila ka humbur jetën tragjikisht, por që familja e të cilës ka dhuruar organet.
“Në ora 3:33 të mëngjesit të sotëm, tek një djalë 22-vjeçar janë dëgjuar rrahje të një zemre të re, të dhuruar! Ky është transplantimi i dytë i zemrës i kryer në historinë e vendit, në Klinikën e Kardio-kirurgjisë . Urime të gjithë kolegëve dhe faleminderit gjithë ekipit që punoi pa u lodhur gjatë gjithë natës! Ky është një sukses i madh i kujdesit shëndetësor maqedonas, që nuk do të ishte e mundur pa pëlqimin për dhurimin e organeve nga familja e pacientes së re që humbi jetën e saj para kohe. Jam krenar për kolegët e mi!”, shkruan Filipçe.
“Jeta e saj e re u shua tragjikisht, por zemra e saj shpëtoi një tjetër jetë të re. Nuk ka fjalë për të shprehur mirënjohjen ndaj familjes. Nuk ka fjalë për të përshkruar madhësinë e aktit,” shkruan në një tjetër postim ministri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
