LIGJET E BIZNESIT
Sot të gjithë besimtarët katolikë festojnë ditën e Pashkëve.
Ndërkohë Papa Françesku ka bërë thirrje që në fushatën e vaksinimit të tejkalohen vonesat dhe shpërndarja të rritet, veçanërisht për vendet e varfra.
“Të gjithë, veçanërisht njerëzit më të brishtë kanë nevojë për asistencë, dhe kanë të drejtën për të pasur akses në kurat e domosdoshme”, tha ai.
Ati i Shenjtë ka shtuar se situata e kësaj periudhe është një skandal. “Ndërsa emergjenca shëndetësore vazhdon dhe kriza ekonomike po thellohet, luftërat nuk po ndërpriten, përkundrazi, vendet që po armatosen po shtohen, tha Papa.
Ati i Shenjtë, gjithashtu i ka bërë thirrje qeverisë italiane që të ndihmojë personat e goditur rëndë nga pandemia, që ka shtuar dramatikisht numrin e të varfërve dhe dëshpërimin e qindra-mijëra njerëzve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Papa Francesku ka theksuar gjithashtu se është pranë të rinjve, në një periudhë ku mërzia e tyre është rritur ndjeshëm nga mos frekuentimi i shkollës dhe i miqve.
“Të gjithë kemi nevojë të jetojmë marrëdhënie njerëzore reale dhe jo vetëm virtuale, veçanërisht në moshën kur formohet karakteri dhe personaliteti”, theksoi ai.
Ati i Shenjtë nuk la pa përmendur edhe të rinjtë në Mianmar, të cilët prej kohësh janë angazhuar në zhvillimin e demokracisë në vend, duke e bërë zërin e tyre të dëgjohet në mënyrë paqësore, me dijeninë sipas Papës, se urrejtja mund të luftohet vetëm me dashuri.
