U mashtrua nëpërmjet telefonit/ 90-vjeçares i vjedhin 32 milionë dollarë 

Policia në Hong Kong, ka prangosur një burrë. Kjo, pasi një grua 90 vjeçe humbi 32 milion dollarë si pasojë e një mashtrimi telefonik.

Gruaja kontaktoi policinë në datën 2 Mars dhe u tha atyre se kishte bërë një total prej 10 pagesash. Mashtruesit i thanë se identiteti i saj ishte keqpërdorur në aktivitete kriminale në territorin e Kinës.

E moshuara u shpreh se kishte marrë një telefonatë gushtin e vitit të kaluar nga dikush që pretendonte se po punonte në zbatimin e ligjit në Kinë.

Sipas policisë, një burrë i cili pretendonte se ishte zyrtar i zbatimit të ligjit e vizitoi atë në shtëpi dhe i dha asaj një celular me të cilin mund të komunikonte me ta.

Gruaja më pas bëri një seri transaksionesh nga telefoni në të dyja llogaritë bankare siç udhëzohej nga zyrtari i supozuar. Referuar deklaratës, policia arrestoi një të ri 19-vjeçar në datën 25 mars. Ai është liruar me kusht dhe do të gjykohet në fund të muajit prill.

Policia po punon për zbardhjen e plotë të ngjarjes.