Tensioni politik/ Ambasada amerikane ‘merr frerët’ në dorë: Do jemi kudo në Shqipëri për të monitoruar procesin

Edhe pse heshtje zgjedhore, pjesa e parë e ditës së sotme tregoi se nuk do të kemi zgjedhje të lehta.

Kështu që ambasada amerikane ka vendosur të futet vetë ‘në lojë’.

Në një njoftim zyrtar ambasada thotë se është gati të drejtohet në mbarë Shqipërinë për të zhvilluar nesër misionin e saj të vëzhgimit të zgjedhjeve.

“Ne do të monitorojmë si qendrat e votimit ashtu edhe ato të numërimit gjatë gjithë procesit. Ne do të jemi atje derisa puna të jetë e kryer“, thuhet më tej në reagim.

Reagimi i plotë

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ambasada amerikane është gati të drejtohet në mbarë Shqipërinë për të zhvilluar nesër misionin e saj të vëzhgimit të zgjedhjeve. Ne do të monitorojmë si qendrat e votimit ashtu edhe ato të numërimit gjatë gjithë procesit. Ne do të jemi atje derisa puna të jetë e kryer.

Ambasadorja Yuri Kim ka bërë thirrje për zgjedhje të qeta dhe u ka kërkuar drejtuesve të partive politike të mos nxisin konflikte.