LIGJET E BIZNESIT
Të dielën e 25 prillit shqiptarët do ti drejtohen kutive të votimit, për të zgjedhur qeverinë që do ti përfaqësojë në 4 vitet e ardhshme.
Por ndryshe nga herët e tjera, tani kushtet janë jo të zakonshme për shkak të pandemisë.
Mësohet se këtij procesi do ti shtohet një protokoll i masave anti-C OVID19 në të gjitha qendrat e votimit, por dhe në institucione të tjera që do të merren me administrimin e zgjedhjeve.
Në lidhje me këtë temë ka folur së fundmi dhe specialistja e ISHP, Genta Qirjako.
E ftuar në “Wake up”, ajo ka treguar më shumë rreth këtij protokolli dhe zbatimit të tij.
Qirjako bëri me dije se një natë para se të fillojë procesi zgjedhor do të bëhet dezinfektimi masiv, siç bëhet në zyra apo qendra të tjera ku ka risqe të tilla.
“Kjo është një situatë jo e zakonshme. Ne po përballemi me një pandemi, e cila ka pasur impaktin e saj në mbarë popullatën. Bazuar në këtë situatë, edhe procesi i zgjedhjeve nuk mund të përbëjë asnjë lloj ndryshimi nga kushtet e zakonshme, të cilat janë shpallur tashmë dhe janë të njohura nga të gjithë qytetarët. Në kushtet e një pandemie të tillë, në bazë të ligjit për sëmundjet infektive, çdo person i infektuar duhet të qëndrojë i karantinuar.
Një natë para se të fillojë procesi zgjedhor do të bëhet dezinfektimi masiv, siç bëhet në zyra apo qendra të tjera ku ka risqe të tilla. Pas këtij momenti, do të lejohet futja e personave që kanë lidhje me procesin zgjedhor. Rekomandohen katet e para për të shmangur kontaktet e shpeshta të njerëzve duke hipur dhe zbritur nëpër shkallë.
Rekomandohet që çdo qendër votimit të ketë dy porta, një orë për të hyrë, një për të dalë, nëse kjo është e mundur. Rekomandohen sipërfaqe të mëdha, ku të mbahet distanca dhe të mbahen hapur dritaret.
Të gjithë duhet të jenë të pajisur me maska. Nuk duhet ta lënë procesin e votimit në minutën e fundit, që të mos krijohet radhë”, sqaroi ajo.
