“S’kam thënë që shqiptarët janë dembelë” Deklarata për punëtorët nga Bangladeshi, Rama ndërron mendje

Disa ditë më parë deklarata e kryeministrit Edi Rama se në Shqipëri do të vinë punëtorë nga Bangladeshi, shkaktoi bujë të madhe.

Ndërkohë, mëngjesin e sotëm në një intervistë për programin “Wake up”, ai është pyetur në lidhje me këtë temë.

Kreu i qeverisë sqaroi se nuk e ka thënë kurrë këtë gjë, por ishte vetë sipërmarrësi në Shkodër që tha se kishte mungesë punëtorësh dhe për këtë arsye do ti merrte nga Bangladeshi.

Rama shtoi se shqiptarët janë punëtorët më të mëdhenj.

“Si kam përmendur kurrë dhe nuk e kam thënë që shqiptarët janë dembelë. Punëtorët nga Bagladeshi i përmendi pronari i fasonerisë se tha se kam mungesë punëtorësh dhe do i merrte me një rrogë prej 400 mijë lekësh. Them që shqiptarët janë punëtorët me të mëdhenj edhe kur lajnë pjata jashtë. Ndërkohë që këtu janë të prirur të kërkojnë punë në shtet. Sot kemi thuajse rreth 300 mijë të punësuar. Këta janë shqiptarë që punojnë nuk janë nga Bangladeshi dhe as nga Pakistani. Nga ana tjetër, duhet të bëjmë përpjekje për të pasur vende pune të paguara më mirë”, tha Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern