Shoqërohet në polici gjithmonë kur Rama shkon në Himarë, kush është Aleks Bala që ‘çmend’ Kryeministrin

Aleks Bala, një ditë më parë është shoqëruar në komisariat pak përpara se Kryeministri Edi Rama të arrinte në Himarë. Sipas asaj që thotë Bala, shoqërimi i kryetarit të ish-të përndjekurve Himarë është kryer pa asnjë shkak ligjor dhe pa i dhënë asnjë shpjegim.

Po ashtu, Aleks Bala shoqërohet gjithmonë në polici sa herë kryeministri Rama shkon në bashkinë e Himarës.

Në lidhje telefonike me Fax Neës Bala ka deklaruar se gjithçka bëhet për pronat e tij dhe se kërkojnë ti mbyllin gojën.

“Kam jetuar 20 vite në Amerike dhe kam ardhur këtu për të mbrojtur pronat e babait tim. Ai nuk di të më përgjigjet mua për pyetjet që i bëj.”

Bala ka shprehur irritimin e tij në lidhje me Ramën duke thënë se kryeministri e ka zhveshur kombin dhe nuk ka një pronar, e po ashtu se Kryeministri ka kaluar çdo kufi.