Shmangu tragjedinë në Tiranë/ Ky është efektivi që ndaloi 39-vjeçarin që donte të shtypte gruan shtatzënë dhe të shoqin

Zbulohet identiteti i efektivit të policisë, i cili shmangu një tragjedi dje në Tiranë.

Personi në fjalë quhet Shkëlzen Tafa dhe është gjendur rastësisht në vendin e ngjarjes.

Sipas hetimeve që ka bërë policia, por edhe nga pamjet e kapura nga qytetarët, shtetasit Taulant Mekollari dhe G. M., pasi  fillimisht kanë debatuar për motive të dobëta në rrugën “Besim Alla”, pas disa minutash janë takuar tek bulevardi “Migjeni”, ku janë konfrontuar përsëri me grushte me njëri-tjetrin.

Pas konfliktit, shtetasi T. M. ka marrë mjetin e tij dhe ka tentuar dy herë të godas me automjet shtetasin G. M. dhe bashkëshorten e tij shtatzënë, por pasi nuk ia ka arritur qëllimit, ka dëmtuar duke përplasur qëllimisht makinën e shtetasit G.M.

Në vendngjarje ka mbërritur rastësisht efektivi Shkëlzen Tafa, i cili i veshur civil ka nxjerrë armën e shërbimit që mbante me vete dhe ka neutralizuar agresorin.

Më pas ka mbërritur patrulla e policisë e cila ka arrestuar shtetasin T. M., 39 vjeç, për veprat penale “Vrasja” e mbetur në tentativë”, “Shkatërrim i pronës me dashje‘’dhe’’Plagosja e lehtë me dashje’’.

Si dhe u procedua në gjendje të lirë shtetasi G. M., 36 vjeç, për veprën penale “Plagosja e lehtë me dashje’’.