“Shko te ‘Përputhen’ dhe rri aty” Ramës nuk i ndahet shpirti nga emisioni i famshëm: Kjo është e pakonceptueshme

Ditën e sotme kryeministri Edi Rama ndodhej për një vizitë në qytetin e Fierit.

Aty ai ka zhvilluar dhe një takim me bizneset e vogla, ku nuk i ka kursyer ‘thumbat’ për opozitën, duke përmendur dhe programin e famshëm “Përputhen”.

“Ne nuk e konceptojmë kështu botën, njerëzit nuk mund të lihen vetëm. Duhen mbështetur që të rriten. Një fëmijë nuk mund të braktiset rrugëve, kështu është dhe biznesi i vogël. Është katastrofë që cilido që merret me një biznes të vogël të shkojë të votojë atë që do të bëjë taksën e sheshtë, 9% të paguash që ta cosh Lulin të flejë.

Luli fle kudo që ta lesh, do të paguash taksë që ta lesh të flejë në kryeministri? Kjo është e pakonceptueshme, sado inat ta kesh Rucin dhe Ramën, kur vjen puna te xhepi yt fut dhe nxjerr fitimet e tua. Me Ramën dhe Rucin, ti e ke shumë të thjeshtë, ndërro kanal, shikoni Përputhen dhe shko atje po mos nxjerr lek nga xhepi kot që të mbash ata.”, tha Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern