Shitet për shumën marramendëse 350 000 sterlina portreti i Sulejmanit të Madhërishëm

Në shtëpinë e ankandeve Sotheby’s në Britaninë e Madhe, portreti i sulltanit Sulejmani i Madhërishëm është shitur plot 350 mijë sterlina.

Ankandi “Bota Islame dhe Artet e Indisë” u zhvillua nëpërmjet telefonit dhe online.

Portreti i Sulejmanit u ofrua për shitje fillimisht në një vlerë prej rreth 60 000 sterlinash.

Pas ofertave të shumta çmimi i portretit shkoi në shifrën 350 000 sterlina.

Emri i personit ose institucionit që e ka blerë portretin nuk është bërë ende publik.

Bashkë me taksat, blerësi do të paguajë 438 000 sterlina.

Portreti tregon Sulejmanin në moshën 43-vjeçare, ndërsa ka dimensionet 22,7 X 17,5 centimetra.