Sherri në Tiranë/ Dalin detajet: Ja si u zunë të rinjtë për një femër, i përfshirë dhe kandidati i LSI

Vijojnë të dalin detaje të reja nga sherri në Sauk ku mbetën të plagosur dy të rinj.

Mësohet se të përfshirë ishin kandidati për deputet i LSI Klodian Doka si dhe vëllezërit e tij Roland dhe Etjan Doka.

Si fillim u tha se arsyeja e konfliktit ka qenë për politikë, por burime për Fax News kanë bërë me dije se motivi i zënkës ka qenë për një femër.

Vëllezërit Doka dhe autorët e ngjarjes, aderojnë në të njëjtin subjekt politik, Lëvizjen Socialiste për Integrim.

Ata janë konfliktuar fillimisht në drekë, pastaj zënka ka nisur edhe në darkë në një lokal pranë xhamisë në zonën e Saukut të Vjetër në Tiranë. Mësohet se aty ndodhet edhe zyra e njërës prej degëve të LSI-së.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Njëri nga autorët, i ka thënë njërit prej vëllezërve se e ka sharë dhe i ka folur keq një vajze me të cilën kishin njohje të përbashkët.

Debati ka degraduar në përplasje fizike ku janë dëmtuar tre vëllezërit Doka. Ata ndodhen në spital ku po marrin ndihmën e nevojshme mjekësore, ndërsa mësohet se Roland Ndoka ndodhet në gjendje më të rëndë, por të tre janë jashtë rrezikut për jetën.