“Rrugaç, para meje sillesh si lepur”! Rama vë duart në kokë: Ç’faj ka djali im 6 vjeç të dëgjojë klithma! Nuk mendoja që Meta do të shkallonte

“Rrugaç, lepur, do shkosh në spital psikiatrik”, janë akuzat më të shpeshta që janë dëgjuar nga presidenti Meta në adresë të kryeministrit Edi Rama.

Por si i sheh ky i fundit kët akuza dhe ofendime?

Në Opinion, Rama tha se pikërisht kjo sjellje e Metës, është ajo nga e cila shqiptarët duhet të distancohen në 25 prill: Më 25 prill është Shqipëria e këtij dhe Shqipëria e këtyre tjerëve. Unë iu them shqiptarëve, këta doni ju më 25 prill? Ç’faj ka djali im 6 vjeç të dëgjojë klithma? Kjo është Shqipëria që propozon Lulzim Basha dhe Ilir Meta, me autokolona nga 5 milionë euro. Le të kalojnë edhe te shtëpia ime, Zaho është mësuar, i është dukur sikur kanë kaluar Batmanët dhe Spidermenët aty, me ato makinat me flatra. Atë “Rama ik” e gjej unë mënyrën si ja shpjegoj.