Rama: Ta bëjmë një “tërmet” në Vlorë për zgjedhje, Gjiknuri: Kam qejf ta them edhe një herë atë fjalë

Kryeministri Rama ka një kërkesë për koordinatorin e fushtaës së Partisë Socialiste në Vlorë. Ai dëshiron të shohë “tërmet” në Vlorë në zgjedhjet e 25 prillit.

Në videon e publikuar në rrjete sociale, Rama shfaqet duke komunikuar në telefon me Damian Gjiknurin.

“Do e bësh tërmet Vlorën, apo jo?”, e pyet kryeministri. “Po, kam qejf që të bëhet fitorja dhe ta them edhe një herë atë fjalë, aty e ka lezetin”, përgjigjet Gjiknuri. “Forca ta bëjmë një tërmet atje”, i thotë Rama.

Përmendim faktin se fjala “tërmet” e përdorur nga Gjiknuri doli në përgjimet e publikuara nga “Bild”, ku deputeti Gjiknuri komentonte fitoren në zgjedhjet lokale në Dibër, në vitin 2016.

Gjatë telefonatës, kreu i qeverisë Rama e pyet Gjiknurin edhe për atë që e konsideron pjesëmarrjen e presidentit Ilir Meta në fushatën elektorale. “Presidenti vjen se atë punë ka. Vjen i maskuar, ka mënyrën e tij. Punon prapa dyerve”, i thotë Gjiknuri. “Me OFL? Apo kap çfarë të kapësh, ku të dalë?”, pyet Rama, duke marrë si përgjigje nga Gjiknuri: “LSI këtu sikur e ka humbur toruan… nuk e gjen veten”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern