Rama e ftoi në bashkëpunim/ Reagon Lulzim Basha, ja si përgjigjet kryedemokrati

Pas deklaratës së kryeministrit Edi Rama që u shpreh i gatshëm të bashkëpunonte me opozitën pas zgjedhjeve të 25 prillit, ka reaguar dhe kryetari i Partisë Demokratike Lulzim Basha.

Ky i fundit ka refuzuar bashkëpunimin me Ramën.

Kujtojmë se më herët Rama tha gjatë një interviste televizive, se Basha duhet të ndahej nga Meta e Berisha për të patur një bashkëpunim me të.

“Pas 25 prillit jam i gatshëm të bashkëpunoj me opozitën, dhe me Bashën, por me një kusht të thjesht që të ndahet nga Meta dhe Berisha. Për të transformuar një jetë politike që është realisht që është kthyer në stres për shqiptarët.

Bashkëpunim ngushtësisht si në vendet që ne duam të arrijmë dhe atyre që ne duam t’i ngjajmë, nuk flas për gjëra konkrete, se ne do kemi shumicën, pra nuk do të kemi probleme të kësaj natyre, por sidoqoftë në emër të shumicës unë jam shumë i gatshëm të shkoj përtej politikës së këtyre viteve dhe të angazhohem që politika e ardhshme të jetë 100% në dispozicion të projektit ekonomik,  të mirëqenies shqiptare, dhe asnjë përqind e fokusuar te vetëvetja, te politikanët, jo te konfliktet dhe idiotësisë. A do e pengojë këtë bashkëpunim Meta dhe Berisha? Duhet që Lulzim Basha ta thotë që do të ndalhet plotësisht prej tyre”, tha Rama më herët.