Ra në pranga sapo doli nga programi, zbardhet dëshmia e kontrollores Flora Ndreca

Ditën e sotme është zbardhur dëshmia në polici e kontrollores Flora Ndreca.

Kjo e fundit u arrestua dy ditë më parë, sapo përfundoi një prej programeve televizive, në të cilin ishte e ftuar.

“Jam kontrollore e trafikut ajror që prej vitit 2002. Në datën 6 Prill kam marrë si zakonisht detyrën, për të punuar duhet të jem fizikisht dhe mendërisht në rregull. Në datën 6 pasi nuk isha mirë, tërhoqa formularin por nuk e kam dorëzuar. Në deklaratë kam kërkuar 3-4 ditë rikuperim, më pas formularin e kam dorëzuar të supervizori im”, mësohet të jetë shprehur Ndreca para policisë.

Kujtojmë se Ndreca fillimisht është shoqëruar pas intervistës në “Opinion”, ndërsa më pas i është prerë dhe fleta e arrestit, së bashku me dy kontrollorë të tjerë.

Ndreca ka dhe një fëmijë të mitur, ç’ka mund ta lehtësojë situatën e saj, dhe të kërkojë një masë më të lehtë sigurie, ndërsa vendimi pritet që të jepet nesër.