Pritet lehtësimi i masave, ndryshon ora policore

Qeveria e Kosovës, pritet që të mblidhet sot në orën 19:00 për të shqyrtuar masat e reja kundër Covid-19.

Pritet që në mbledhje të lejohet hapja e objekteve hoteliere, restoranteve dhe bar kafeve që nga e hëna mund të punojnë deri në orën 22:00. Po ashtu, do të hapen edhe qendrat tregtare.

Ndërkohë, kufizimi i lëvizjes do të vazhdojë, por tani nga ora 22:30 deri në 05:00.

Baret, restorantet e qendrat tregtare do të lejohen që të zhvillojnë aktivitetin e tyre në përputhje me udhëzuesin e përkohshëm për aplikimin a masave për parandalimin dhe luftimin e koronavirusit.

Masat e reja kufizuese do të jenë në fuqi për 14 ditët e ardhshme. Përmendim faktin se në datën 5 prill qeveria miratoi masat anti-covid që hynë në fuqi në 7 prill dhe janë në fuqi deri në përfundim të ditës së sotme.