Policia aksion në Tiranë/ Të rinjtë përleshen me njëri-tjetrin, arrestohen 2 prej tyre. Një tjetër në kërkim

Policia e Tiranës ka dhënë detaje në lidhje me një sherr me sende të forta që ka ndodhur ditën e djeshme mes disa të rinjve në bulevardin “Migjeni”.

Mësohet se janë arrestuar në flagrancë shtetasit E. M., 19 vjeç dhe J. Gj., 19 vjeç, ndërkohë që u procedua në gjendje të lirë shtetasi M. A., 19 vjeç. Specialistët për Hetimin e krimit aktualisht po punojnë për kapjen e shtetasit K. Sh., 24 vjeç.

Raportohet se të rinjtë në bashkëpunim me njëri-tjetrin kanë goditur me sende të forta shtetasin B.K, i cili u dërgua në spital për ndihmë mjekësore, jashtë rrezikut për jetën.

Materialet lidhur me detajet e ngjarjes i kanë kaluar Prokurorisë së Rrethit Gjyqësor Tiranë, për veprime të mëtejshme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern