“Po na kritikon nga lart!” Përlotet Ulsi Manja, homazh për Bashkim Finon: Sot mbledhja e parë pa ty (VIDEO)

Edhe pse jemi në periudhën e fushatës elektorale, ditën e sotme Komisioni i Ligjeve ka vazhduar punën duke bërë mbledhjen e rradhës.

Një takim i veçantë pasi për herë të parë këtij komisioni i mungonte socialisti Bashkim Fino,i cili u nda nga jeta pas humbjes së betejës me C OVID19.

Në fillim të mbledhjes kryekomisioneri  Ulsi Manja, ka mbajtur një fjalë prekëse për mungesën e kolegut të tij socialist.

Në pamundësi që të mbahej një minutë heshtje pasi ndodheshin në komunikim virtual për shkak të masave ndaj virusit, u transmetua një video me imazhet e Finos.

“Sot në këtë mbledhje Komisioni mungon njëri prej nesh, një njeri i pazëvendësueshëm për të gjithë kontributin e tij në vitet e vështira të Shqipërisë por edhe si deputet i Kuvendit të Shqipërisë dhe posaçërisht anëtar i Komisionit të Ligjeve. Mungon Bashkim Fino. Fino, në radhë të parë i mungon familjarëve të tij, por sigurisht edhe miqve edhe ne kolegëve. Unë jam i bindur që Bashkimi është bashkë me ne, mbase na vëzhgon nga lart, na kritikon ne kolegëve të tij që të ecim më shpejt, jam i bindur që do t’ja dalim edhe për Bashkimin”, deklaroi Manja, tërësisht i prekur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern