Plas sherri në Tiranë/ Të rinjtë përleshen me thika, dy të plagosur (EMRAT)

Një sherr mes disa të rinjve është shënuar mbrëmjen e djeshme në zonën e Saukut në Tiranë.

Mësohet se ngjarja ndodhi për motive të dobëta, ku si pasojë e konfliktit kanë mbetur të plagosur me thikë shtetasit Roland dhe Oltjan Doka.

Policia ka shkuar menjëherë në vendin e ngjarjes duke sekuestruar kamerat e sigurisë në zonë.

Sipas informacioneve është vënë re fakti se autorët janë larguar me dy automjete të ndryshme të tipit “Benz” dhe “Audi”.

Grupi hetimor dhe policia po punojnë për zbardhjen e plotë të ngjarjes dhe identifikimin e agresorëve.