Plagosja e policëve në Mamurras/ Shpallen në kërkim dy persona të përfshirë në konflikt

Një ngjarje e rëndë tronditi sot Mamurrasin, ku dy efektivë policie mbetën të plagosur.

Mësohet se janë shpallur në kërkim dy persona, të identifikuar si Ndue Zefi, 28 vjec dhe Gjon Fufi, 40 vjeç, të cilët nuk i kanë ndaluar patrullës së policisë pas urdhrit.

Policia e Kurbinit informoi zyrtarisht se rreth orës 13:35, në qendër të qytetit të Mamurrasit disa persona janë konfliktuar me punonjësit e Policisë të Patrullës së Përgjithshme që ishte me shërbim në qytet.

Një nga punonjësit e Policisë i identifikuar si David Magani ka nxjerrë armën e shërbimit dhe ka qëlluar, ku për pasojë janë plagosur dy kolegët e tij, Flamur Lleja dhe Ilir Zekaj., si dhe një nga personat e përfshirë në konflikt, shtetasi Nikoll Vorfi, të cilët ndodhen jashtë rrezikut për jetën.