LIGJET E BIZNESIT
Herë pas here, Partia Demokratike po ndalon makina nga më të ndryshmet, me pretendimin se ato po blejnë vota.
Për çdo rast që Partia Demokratike ka denoncuar, pasi ka kryer veprimet hetimore, policia ka njoftuar se nuk kanë asnjë lidhje me procesin zgjedhor.
Menjëherë pas rastit të fshatit Podgorie në Korçë, mbështetës të Partisë Demokratike në fshatin Burim, Dibër kanë kryer veprime në kundërshtim me ligjin, bën me dije policia, duke ndaluar dhe kontrolluar një automjet, në të cilin udhëtonte shtetasja me iniciale F. M, punonjëse në Postën e Maqellarës, (me detyrë pagatore shpërndarëse e pensioneve) në Njësinë Administrative Maqellarë, me pretendimin se kjo shtetase po shpërndante para në këmbim të votave.
Nga verifikimet e kryera dhe kontrolli i ushtruar i grupit hetimor dhe shërbimeve të Policisë në automjetin që udhëtonte shtetasja me iniciale F. M., nuk u gjet asnjë send kompromentues në lidhje me procesin zgjedhor, njofton policia.
Njoftimi
Nga specialistët për Hetimin e Krimit në Komisariatin e Policisë Dibër, filloi procedimi penal në gjendje të lirë për shtetasit :
A. S., Gj. M., L. H., B. D., A. O., banues në Dibër, (simpatizanë të një subjekti politik).
Këta shtetas në mënyrë të kundraligjshme, në fshatin Burim, kanë kryer veprime në kundërshtim me ligjin, duke ndaluar dhe kontrolluar një automjet , që udhëtonte shtetasja F. M, punonjëse në Postën e Maqellarës, (me detyrë pagatore shpërndarëse e pensioneve) në Njësinë Administrative Maqellarë, me pretendimin se kjo shtetase po shpërndante para në këmbim të votave.
Nga verifikimet e kryera dhe kontrolli i ushtruar i grupit hetimor dhe shërbimeve të Policisë në automjetin që udhëtonte shtetasja F. M., nuk u gjet asnjë send kompromentues në lidhje me procesin zgjedhor.
Materialet procedurale i kaluan Prokurorisë Dibër për veprën penale” Kundërshtim i punonjësit që kryen një detyrë shtetërore ose një shërbim publik”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
