“Na është çmendur presidenti” Spartak Braho sulmon ashpër Metën: Kam qenë afër tij, ja çfarë më tha në 2017

Kandidati për deputet i PS Spartak Braho ka sulmuar ashpër presidentin Ilir Meta duke e quajtur të çmendur, pas deklaratave të fundit që ka lëshuar.

Gjatë një takimi elektoral sot në Skrapar, në zonën ku kandidon, Braho u kthye pas në kohë duke treguar bisedën me Metën, që sipas tij i kishte thënë se nuk bënte më për deputet se do të bënte koalicion me Sali Berishën.

Braho tha gjithashtu se Meta tentoi të bëjë grusht shteti me ngjarjen në Rinas. Sipas tij filozofia e Ilir Metës është puçizmi dhe shtoi se në Vlorë mund të krijojë vetëm çetë vagabondësh.

“Na është çmendur presidenti. Unë kam qenë afër tij. Në 2017 më tha Spartak ti nuk bën më për deputet se unë do bëj koalicion me Berishën. Turp të kesh i thashë. Qëndrova pranë tij me vite të tëra që ta mbaj afër. Këto fjalë që ka filluar të përçapet duke menduar se i ka ardhur koha që të rrëzojë rëndë interesat kombëtare. Ngjarje e rëndë ishte ajo e Rinasit, një preket për grusht shteti. Donte të ishte në krye. Por dështoi. Nuk e keni idenë çfarë rreziku kemi kaluar. Filozofia e Ilir Metës është puçizmi.

Do dalë dhe do marrë pushkën Ilir Meta. Është e vërtetë që ka pasur skraparllinj në luftën e Vlorës. Ilir Meta mund të krijojë vetëm çetë vagabondësh. Më vjen keq që flas me këto fjalë. Nuk ka gjë të ngjashme me skraparllinjtë e vërtetë,” tha Braho.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Nuk do i lë asnjë zgjedhës Monika Kryemadhit që të votojnë për LSI. Do ta tresim fare,” përfundoi ai fjalën e tij.