LIGJET E BIZNESIT
Në fjalën e mbajtur sot para gazetarëve, presidenti Ilir Meta la të kuptojë se nuk do të japë dorëheqjen, pavarësisht se Partia Socialiste arriti të sigurojë 74 mandate deputetësh pas fitores në zgjedhjet e 25 prillit.
Kreu i Shtetit theksoi se konferencën e fundit në Presidencë do ta mbajë më 24 korrik 2022 dhe shtoi se vëmendja duhet të jetë vetëm te votat e pavlefshme që janë mbi 83 mijë të tilla.
I pyetur nga gazetarët, se “Rama tha se populli dënoi me votë Ilir Metën dhe këtë vendim do ta ekzekutojë parlamenti. A keni një përgjigje?”, Presidenti tha: “Asnjë përgjigje për shashkat që duan të largojnë vëmendjen tuaj nga mbi 83 mijë vota të pavlefshme dhe që nga pamjet filmike duhet parë si janë bërë të pavlefshme, se nuk ka statistikë në botë që e justifikon këtë, kur e dini mirë që diferenca është shumë e ngushtë. Mund të lëvizin shumë mandate këtu. Ne duhet të mbajmë vëmendjen këtu. Po të ishte për këto histori, kishte ikur 100 herë Ilir Meta nga Presidenca, por më 24 korrik 2022 këtu do ta bëjmë konferencën e fundit. Mos u përqendroni as te dorëheqjen, as te tërheqjet, vetëm këtu, të respektohet çdo votë. Nga ky moment të kenë shumë kujdes, asnjë kuti të mos ndërrohet, asnjë përpjekje për të mbuluar krimet të mos bëhet”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
