Ministria e Arsimit/ Ja datat kur do të zhvillohen provimet për klasat e 9-ta

Ministria e Arsimit ka publikuar sot datat e provime të lirimit për nxënësit e klasave të 9-ta.

Provimet do të nisin në datën 16 qershor, ku nxënësit do të japin provimin e parë të detyruar në lëndën “Gjuhë Shqipe”.

Në 21 qershor do të jetë provimi i dytë në lëndën e “Matematikës”, ndërsa provimi i gjuhës së huaj do të jepet në datën 25 qershor.

Ndërkohë që nxënësit e pakicave kombëtare do të zhvillojnë po ashtu edhe provimin në lëndën “Gjuhë Amtare” në datën 11 qershor.

Procesi mësimor ka hasur shumë vështirësi për shkak të pandemisë, pasi për disa muaj nxënësit kanë zhvilluar mësim vetëm online.